వస్తాను, మళ్లీ, మళ్లీ వస్తాను
శారీరకంగా అలసిపోయి భౌతికంగానే వెళ్ళిపోతున్నాను, మీ గుండెలనుండి, మీ జీవితాలనుండి కాదు. ఇంకా తనివి తీరలేదు, వస్తాను. మళ్ళి మళ్ళీ వస్తాను!! |
మీ అమ్మ, భాగ్యలక్ష్మి, సంపూర్ణ ఆరోగ్యంతో ఆనందంగా ఉండడం నేను స్వయంగా చూడాలి! వస్తాను. మళ్ళి మళ్ళీ వస్తాను!! |
చండీ, హైమా రిటైర్మెంట్ జీవితం నేను చూసి ఆనందించాలి కావ్య, నిఖిల్ అంచలంచలుగా ఎదగడం నేను చూడాలి అవ్యక్తతో మొదటిరోజు స్కూలుకు నేనూ వెళ్ళాలి! వస్తాను. మళ్ళి మళ్ళీ వస్తాను!! |
రాణి, విజ్జు ఇంట్లో మరో 42 రోజులుండి వెరైటీ స్కాచులు తాగాలి, భార్గవ, అనూ ఆఫీసులో నేను ఫోటోగ్రాఫరుగా పని చేయాలి, బన్న పెళ్లి baraath లో నేను non-stop డాన్స్ చేయాలి, మీల riddles వేస్తె, నేను టకీమను answer చెప్పాలి, వస్తాను. మళ్ళి మళ్ళీ వస్తాను!! |
పద్మ, సుదర్శన్ ఒక పెద్ద సొంత ఇల్లు కడితే నేనే supervise చేయాలి, అపర్ణ ఒక బిడ్డను కంటే అది నా గుండెలమీద ఆడుకోవాలి, అనీష్ అమెరికా మొదటి సంపాదనతో పార్టీ ఇస్తే, నేను తాగి ఊగాలి! వస్తాను. మళ్ళి మళ్ళీ వస్తాను!! |
మాధవి, రమేశులతో పాటు రోహన్ గ్రాడ్యుయేషన్ ceremony నేనూ అటెండ్ కావాలి, రోహన్ పెళ్లి ఈవెంట్లలో నా సూటు బూటే highlight అవ్వాలి, రిత్వికును నేను అమెరికా చదువులకు స్వయంగా సాగనంపాలి! వస్తాను. మళ్ళి మళ్ళీ వస్తాను!! |
రవి, శ్రీలతల సిల్వర్ జూబ్లీ వెడ్డింగ్ పార్టీ ఒక emotional స్పీచ్ ఇవ్వాలి ప్రణవి నేషనల్ Basketball ఛాంపియన్ అయిందని నా చెవులారా వినాలి ప్రణతి, ప్రణాళి బాగా చదివి, ఉన్నత స్థాయిలో ఉండడం నేను చూడాలి! వస్తాను. మళ్ళి మళ్ళీ వస్తాను!! |
శ్రవణ్ ప్రమోషన్ కొట్టేసినప్పుడు వాని కళ్ళల్లో మెరుపును నేను చూడాలి అదేరోజు రాత్రి మూడు పెగ్గులేసి, బిర్యాని లాగించాలి అనన్య డాక్టరో, IAS ఆఫీసరో కావడం నేను చూసి తరించాలి! వస్తాను. మళ్ళి మళ్ళీ వస్తాను!! |
‘మనం’ అందరం ఆకుపత్ని అంటేనే ఆనందానికి ప్రత్యామ్నాయం అని నిరూపించాలి |
ఇంకా తనివి తీరలేదు, వస్తాను మళ్ళీ వస్తాను మీతోనే ఉంటాను, మీలోనే ఉంటాను! |
పేమతో, మీ నాన్న
రచన : విజు కాకతీయ, 31 డిసెంబర్ 2023
No comments:
Post a Comment